Top lista
Glasajte za 5 pjesam i to tako da pjesme ka van se najviše pijaža date 5 bodi,drugoj potla nje 4 boda i tako do 1 boda. Najviše dva puta morete glasat da van se prizna glasanje z jenega e-maila al broja telefona.
Broj telefona na ki morete slat svoji glasi SMS porukami je: 099 1981 096
e-mail: Ova e-mail adresa je zaštićena od spambota. Potrebno je omogućiti JavaScript da je vidite. al uz pomoć obrasca ki je ovdeka.
Lista za 14.05. - 20.05.2012.
| Mesto | Naziv pjesam | Naziv izvođača | % | |
| 1. | Žena od mora | Ondina i Vali | 26.20 |  |
| 2. | Daj mi daj | Koktelsi | 12.81 | |
| 3. | Pet ur jutro | Nenad Ban | 11.78 | |
| 4. | More dimboko nebo visoko | Livio Morosin | 10.87 | |
| 5. | Pod orehon | Klapa Kastav i Mariachi Estrella | 10.41 | |
| 6. | Vino | Bruno Krajcar | 9.95 |  |
| 7. | Od jubavi kaštigani | Antonio Krištofić | 8.12 |  |
| 8. | Rukavcu | Rukavac Band Aid | 5.61 | |
| 9. | Opatije na mule | Le Salpé | 2.17 | |
| 10. | Moja stara škovacera | Žarko Žeželić Prdela | 2.06 | |
Milan Surina
Postoje mesta okole nas za keh nismo nikad čuli, ale pak od njih znamo jako malo, a od česa smo već pisali. Ma postoje i mesta blizu nas za keh su si čuli, još ih saki od boga dan spominju na televizije i na radije. Tako, stavimo reć za Pasjak čuju si ki jutro vijesti naslišaju, aš se obavezno spomene kakova fila je na pasjačken kunfine. Kad san već pul tega, napovede se saki dan i Rupa, ma jas poludin kada čujen spikera da reče Rupe. Rupe su njin va glavah kad ne umeju zet najobičneju geografsku kartu i pročitat kako se selo zove. Samo da se ne dogodi kako v Rukavce kade su zaselak Ivuli nekakovi zagrebački geometri prekrstili va Mulji pa sada va službeneh dokumenteh tako stoji, a ne Ivuli kot je odvavek bilo. Ma, vrnimo se mi našemu Pasjaku.
Povod za štoriju od Pasjaka bila je jedna usmena reakcija gospodina Milana Surini našoj redakcije okol jednega podatka ki je bil krivo zapišen, a ča smo va pasanen broje dali ispravak. Pak, računali smo, da se čin manje takoveh (nenamjerneh) grešak dogodi najboje je počakulat z judi ki su interesantni, aš puno znaju od svojga kraja, a umeju to lepo i povedet.
Proletnji recepti
Dobar van dan lepi moji. Dugo me ni bilo ma kad san ovi dani čula kako nan je lepo naš ministar gospodarstva objasnil kako šparat šoldi, zajeno san vas se spametila. Ovisti mesec gre gore struja i plin pa san mislela ča van napisat da se jako nit peče nit kuha. Ma ste vi znali da san van ja kod Indiana Jones? Kako? Lepo... saki dan kad ren va butigu imam novu avanturu i iznenađenje, saki put nove cjeni, al pak veli plakati sniženja magar je to skupje nego ča j` bilo pred mesec dan. A ste morda abadali kako su se trgovci prošegaveli: napišu da je sniženje, al pak da cjeni nisu tikali „Samo dođite, kod nas je najpovoljnije!“ ....i to je istina MA TI NIKI NI REKAL DA SU DOZI SMANJILI PA ĆEŠ PLATIT ISTO MA MANJE DOBIT !!
Ja van tako pišen recepti ma mi se para da ćemo još malo samo sliki gjedat i od zraka živet , ali nema veze lahko ćemo prišparat za struju aš nećemo imet mobiteli.
Konoba
Skoro saka beseda ima svoju asocijaciju, ča će reć da nas na neč domisli, spameti, podsjeti, al ča već. Na ča vas spameti „konoba“? Tako uobičajena, sakidajnja beseda. Ča ona znači i od kuda va našen zajike bi van sigurno lepo znal povedet moj prijatel Jani Kukurin, pak jas neću od tega. Leh znan da ni „talijanizam“, aš Talijani reču cantina, ni germanizam, aš Nemci reču keller, morda su nan ju pustili Napulijonovi soldati, kot i čuda tega, a morda je baš naša hrvacka. Čigova je da je, homo mi videt ča se zad te besedi skriva.
Kad san bil mići moj nono je imel konobu. On ju je zval, nikad ne znan zač, kanoba. Va jednen dele konobi bile su bačvi za vino, ko se je tuka i delalo. Kad se j' vino otočilo i pretočilo obesilo se je kumbasice, panceta, zarebrnik i pršuti. Ki put i salamini. Malo daje od vina bili su čabrići z kiselun repun i kiselen kapuzon, do njih pak slane ribi va drvenoj burice, a kompir je bil ograjen kot da bi z gredami i daskami. Najdaje od bačav bila je jedna grda, siva bačvica od jeno trejset litra va koj je bil ocat. Va njoj je plaval „telac“ ča je mane bilo jako smešno pak san vavek špijal da vidin tega telca, ki ni bil ni malo spodoban sinu od kravi.
